公開試貼中題, 攪到滿城風雨.
作為一個老師, 我覺得幫到自己學生考好本科, 分內事也.
其實, 過去幾年都貼中好多, 不過今年適逢DSE新學制開始, 人人關心;
加上考試題目同我印出黎既範文激似, 所以先獲傳媒垂青報導.
既然是分內事, 也沒有什麼值得自豪, 不過是職責所在.
不少學校老師都能做到, 甚至比我貼得更準.
不過彼等較低調, 默默耕耘, 年年春風化雨.
偏偏傳媒可不是那樣想.
君不見近日, 我的fb, 明報, 頭條日報, 香港討論區, 小卒討論區, 甚至乎高登論壇, 都在激烈討論張欣欣貼中題的事件, 瀏覽及留言動輒數千, 其勢洶洶, 大有尋根究底之意, 條目引人入勝, 舉例如下:
補習天王否認有關指控
張欣欣老豆係考評局主席? 你不信, 反正我信了.
唔公平, 張欣欣貼中題我死都唔明!
天王奀奀有範文, 我無補佢好鬼炆!
中文英文貼中晒, 欣欣擺明撈過界!
補習唔搵張濕x, 公開試就聽揸兜!
層出不窮, 好有創意!
我呢? 還是每天備課, 上堂, 打機, 食飯……
補習天王, 咪又係人一個? 難道補習天王唔駛痾屎既?
其實貼中題, 最開心既, 係幫到我既仔仔女女學生入U.
他/她們將來成才, 就是我最大的回報.
因為我是真心愛學生的!
有時候, 學生有進步, 我總會送一些小禮物鼓勵佢地.
因為, 我想話俾你地知:
就算其他人, 甚至父母, ignore你地今次的努力,
我, 張sir總會見到的, 總會肯定你地的!
打到呢度, 我, 要去痾屎了.
請唔好再問我,
‘阿sir, 不如你貼下, 你今次會痾幾多舊?’
頂你!
Search